ஐபிஎல் 2026 தொடரில் மும்பை இந்தியன்ஸ் அணிக்கு எதிரான போட்டியின் போது ஆபாச சைகை காட்டியதற்காக, ராயல் சேலஞ்சர்ஸ் பெங்களூரு (RCB) அணியின் சகலதுறை ஆட்டக்காரரான டிம் டேவிட்டுக்கு அபராதம் விதிக்கப்பட்டுள்ளது. 

டிம் டேவிட்டின் போட்டி ஊதியத்தில் 30 சதவீதம் அபராதமாக விதிக்கப்பட்டுள்ளது. 

ஐபிஎல் நடத்தை விதிகளின் நிலை 1-ஐ (Level 1) மீறியதற்காகவும், அநாகரீகமான சைகை செய்ததற்காகவும் இந்த நடவடிக்கை எடுக்கப்பட்டுள்ளது. கூடுதலாக அவருக்கு 2 குறைபாட்டு புள்ளிகளும் (demerit points) வழங்கப்பட்டுள்ளன. 

மும்பை இந்தியன்ஸ் அணிக்கு எதிராக கடைசி பந்தில் ஆர்சிபி பெற்ற விறுவிறுப்பான வெற்றிக்குப் பிறகு, அவர் நடுவிரலை உயர்த்தி காட்டியதாகக் தெரிவிக்கப்படுகிறது. 

இந்த முக்கியமான போட்டியில் மும்பை இந்தியன்ஸ் அணியை 2 விக்கெட் வித்தியாசத்தில் வீழ்த்தி ஆர்சிபி வெற்றி பெற்றது. இதன் மூலம் மும்பை அணி பிளே - ஆஃப் வாய்ப்பை இழந்து வெளியேறியது குறிப்பிடத்தக்கது.