ஆப்கானிஸ்தான் கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. 

இந்தியா - ஆப்கானிஸ்தான் அணிகள் மோதும் 2 ஆவது ஒருநாள் போட்டி லக்னோவில் இன்று (17) நடைபெறுகிறது. நாணய சுழற்சியில் வென்ற ஆப்கானிஸ்தான் பந்து வீச்சை தேர்வு செய்தது. 

அதன்படி, இந்திய அணி முதலில் களமிறங்கியது. தொடக்க ஆட்டக்காரரான ஜெய்ஸ்வால் 4 ஓட்டங்களில் ஆட்டமிழந்தார். ரோகித் சர்மா அதிரடியாக ஆடினார். அரை சதம் அடிப்பார் என எதிர்பார்க்கப்பட்ட நிலையில் 48 ஓட்டங்களில் ஆட்டமிழந்தார். 

3 ஆவது விக்கெட்டுக்கு சுப்மன் கில்லுடன் இஷான் கிஷன் ஜோடி சேர்ந்தார். இந்த ஜோடி முதலில் நிதானமாக ஆடியது. அதன்பின் அதிரடியில் இறங்கியது. 

பொறுப்புடன் ஆடிய இந்திய அணி தலைவர் சுப்மன் கில் சதமடித்து அசத்தினார். இது அவரது 9 ஆவது சதமாகும். அதிரடியாக ஆடிய இஷான் கிஷன் சதமடித்து 125 ஓட்டங்களை எடுத்தார். சுப்மன் கில் - இஷான் கிஷன் ஜோடி 3 ஆவது விக்கெட்டுக்கு 224 ஓட்டங்களை சேர்த்தது. 

சதமடித்து அசத்திய சுப்மன் கில் 154 ஓட்டங்களில் ஆட்டமிழந்தார். இறுதியில், இந்திய அணி 49.5 ஓவரில் சகல விக்கெட்டுகளையும் இழந்து 402 ஓட்டங்களை பெற்று கொண்டது. 

ஆப்கானிஸ்தான் சார்பில் கரோட்டே 4 விக்கெட்டும், ரஷித் கான் 3 விக்கெட்டும் எடுத்தனர்.