உலகின் மிகத் துடிப்பான தொழில்நுட்ப மற்றும் நிதி மையங்களில் ஒன்றாகத் திகழும் கனரி வார்ஃப் பகுதியில் அமைந்துள்ள யார்க் செயின்ட் ஜான் பல்கலைக்கழகத்தின் லண்டன் வளாக கணினி அறிவியல் மற்றும் தரவு அறிவியல் துறை, தனித்துவமான கல்விச் சூழலை உருவாக்கி வருகிறது. கல்விசார் மேன்மையையும், அனைவரையும் உள்ளடக்கும் கற்றல் அணுகுமுறையையும் ஒருங்கிணைத்து, பல்வேறு பின்னணிகளைச் சேர்ந்த மாணவர்களை டிஜிட்டல் பொருளாதாரத்தின் எதிர்காலத் தலைவர்களாக உருவாக்கும் பணியில் இத்துறை அர்ப்பணிப்புடன் செயல்பட்டு வருகிறது. 

இங்கிலாந்தின் வேகமாக வளர்ந்து வரும் நிதித் தொழில்நுட்ப (FinTech) மற்றும் தகவல் தொழில்நுட்பத் துறைகளின் மையமாக விளங்கும் ‘கனரி வார்ஃப்’ பகுதியில் அமைந்துள்ள ‘யார்க் செயின்ட் ஜான் பல்கலைக்கழகத்தின், லண்டன் வளாகம்’, கணினி அறிவியல் மற்றும் தரவு அறிவியல் கல்வியில் தனித்துவமான அடையாளத்தை உருவாக்கியுள்ளது. தொழில்துறையிலும் ஆராய்ச்சியிலும் உயர்மட்ட அனுபவம் பெற்ற கல்வியாளர்களால் வழிநடத்தப்படும் இத்துறை, நடைமுறை சார்ந்த, தொழில்துறைத் தேவைகளை பிரதிபலிக்கும் உயர்தரக் கல்வியை வழங்குவதை தனது அடிப்படைக் கொள்கையாகக் கொண்டுள்ளது. தற்போது இத்துறை BCS அங்கீகாரம் பெற்ற மூன்று முக்கியமான கல்வித் திட்டங்களை வழங்கி வருகிறது. அவை MSc Computer Science, MSc Data Science மற்றும் BSc (Hons) Computing for Industry (செப்டம்பர் 2025 முதல்) ஆகும். 

ஒவ்வொரு பாடத்திட்டமும் தொழில் வழங்குநர்களின் உண்மையான தேவைகளை மையமாகக் கொண்டு வடிவமைக்கப்பட்டுள்ளதுடன், நடைமுறை மதிப்பீடுகள் மற்றும் மாணவர்கள் தங்கள் தொழில்முறை வாழ்க்கையின் முதல் நாளிலிருந்தே பயன்படுத்தவுள்ள நவீன தொழில்நுட்பக் கருவிகளை அடிப்படையாகக் கொண்ட கற்றல் அனுபவத்தை வழங்குகிறது. இந்தத் துறையின் வளர்ச்சிக்கும் தனித்துவமான அடையாளத்திற்கும் முக்கிய பங்காற்றி வரும் நான்கு கல்வியாளர்களின் பார்வைகளே இந்தக் கட்டுரையின் மையக்கருவாகும். 

செயற்கை நுண்ணறிவு, தரவு அறிவியல், வயர்லெஸ் தொடர்பியல், மென்பொருள் பொறியியல் மற்றும் உயர்கல்வித் தலைமையியல் உள்ளிட்ட பல்வேறு துறைகளில் பல தசாப்தங்களாகப் பெற்றுள்ள அனுபவத்தை அவர்கள் மாணவர்களின் கற்றல் அனுபவத்துடன் ஒருங்கிணைத்து வருகின்றனர். சர்வதேசப் பின்னணி, அனைவரையும் உள்ளடக்கும் கல்வி அணுகுமுறை மற்றும் தெளிவான கல்வி நோக்கம் ஆகியவற்றை அடிப்படையாகக் கொண்டு செயல்படும் இந்தக் கல்விக் குழுவே, யார்க் செயின்ட் ஜான் பல்கலைக்கழகத்தின் லண்டன் வளாக கணினி அறிவியல் மற்றும் தரவு அறிவியல் துறையின் வலிமையையும் தனித்துவத்தையும் பிரதிபலிக்கிறது. 

Dr நளிந்த சோமசிறி BEng (Hons), MSc, PhD, MIET, SMIEEE, SFHEA Associate Dean மற்றும் Associate Professor in Generative AI and Machine Learning இலங்கையைப் பூர்வீகமாகக் கொண்ட Dr நளிந்த சோமசிறி, கல்விக்கு நீண்ட பாரம்பரியமும் வேகமாக வளர்ந்து வரும் தொழில்நுட்பத் துறையும் கொண்ட நாட்டைச் சேர்ந்தவர். செயற்கை நுண்ணறிவு (AI), இயந்திரக் கற்றல் (Machine Learning), Blockchain மற்றும் Generative AI ஆகிய துறைகளில் இருபது ஆண்டுகளுக்கும் மேலான அனுபவம் பெற்றுள்ள அவர், Motorola Solutions, Jaguar Land Rover மற்றும் ஐக்கிய இராச்சியத்தின் பாதுகாப்புத் துறையில் முன்னணி நிறுவனமான MBDA உள்ளிட்ட நிறுவனங்களில் மூத்த பொறுப்புகளை வகித்துள்ளார். 

யார்க் செயின்ட் ஜான் லண்டனில் வழங்கப்படும் கணினி அறிவியல் கல்வியின் தனிச்சிறப்பு என்ன? 

“எங்கள் மிகப்பெரிய பலம், நடைமுறை சார்ந்த கற்றல்தான்,” என்று Dr நளிந்த சோமசிறி கூறுகிறார். “தொழில் வழங்குநர்களின் உண்மையான தேவைகள், தொழில்துறையில் பயன்பாட்டில் உள்ள கருவிகள் மற்றும் நடைமுறை மதிப்பீடுகளை அடிப்படையாகக் கொண்டு எங்கள் பாடத்திட்டங்கள் வடிவமைக்கப்பட்டுள்ளன. இதனால், மாணவர்கள் கோட்பாட்டை மட்டும் கற்றுக்கொள்வதில்லை; தொழில்முறைச் சூழலில் பிரச்சினைகளுக்குத் தீர்வு காணும் திறனையும் வளர்த்துக்கொள்கிறார்கள்.” இந்த அணுகுமுறை, Cloud Computing, Cybersecurity, Embedded Systems, Internet of Things (IoT), User-centred Agile Development மற்றும் Applied Machine Learning ஆகியவற்றை உள்ளடக்கிய பாடத்திட்டத்தில் பிரதிபலிக்கிறது. மாணவர்கள் Azure Virtual Machines, Python, TensorFlow, Keras, PyTorch, Scikit-learn, Wireshark மற்றும் Kali Linux போன்ற தொழில்துறையில் பரவலாகப் பயன்படுத்தப்படும் கருவிகளுடன் பணியாற்றுகின்றனர். மேலும், AWS, IBM மற்றும் Motorola உள்ளிட்ட முன்னணி நிறுவனங்களுடன் துறை நெருங்கிய ஒத்துழைப்பை பேணுவதன் மூலம், சமீபத்திய ஆராய்ச்சி முன்னேற்றங்கள் நேரடியாக வகுப்பறைக் கற்றலுடன் இணைக்கப்படுகின்றன. “தரமான கணினிக் கல்வி ஒருவரின் வாழ்க்கையை மாற்றும் ஆற்றல் கொண்டது என்பதை இலங்கை எனக்குக் கற்றுக்கொடுத்தது. அந்த நம்பிக்கையே இங்கு நாங்கள் மேற்கொள்ளும் ஒவ்வொரு முயற்சிக்கும் அடிப்படையாக உள்ளது,” என்று Dr நளிந்த சோமசிறி கூறுகிறார். 

கல்வித் தரத்தையும் தொழில்துறையின் தேவைகளையும் எவ்வாறு சமநிலைப்படுத்துகிறீர்கள்? 

“இரண்டையும் பாடத்திட்ட வடிவமைப்பிலேயே ஒருங்கிணைத்துள்ளோம்,” என்று Dr நளிந்த சோமசிறி கூறுகிறார். “எங்கள் பாடத்திட்டங்கள் BCS தொழில்முறைத் தரநிலைகளுக்கு ஏற்ப வடிவமைக்கப்பட்டுள்ளதால், மாணவர்கள் Chartered IT Professional (CITP) மற்றும் Incorporated Engineer (IEng) போன்ற தொழில்முறை அங்கீகாரங்களை நோக்கி முன்னேற முடிகிறது. அதேவேளை, ஒவ்வொரு Semester-இலும் வேலைவாய்ப்புச் சந்தையின் தேவைகளுக்கு ஏற்ப பாடப்பிரிவுகள் மறுஆய்வு செய்யப்படுகின்றன. BCS மற்றும் IEEE Special Interest Groups வழங்கும் வழிகாட்டுதல்களும் பாடத்திட்ட வடிவமைப்பில் முக்கிய பங்கு வகிக்கின்றன. இதனால், மாணவர்கள் கல்வித் தகுதியுடனும் தொழில்முறைத் திறனுடனும் பட்டம் பெறுகின்றனர்.” Queen Mary University of London-இல் Electronic Engineering-இல் முனைவர் பட்டம் பெற்றுள்ள Dr நளிந்த சோமசிறி, செயற்கை நுண்ணறிவு மற்றும் இயந்திரக் கற்றல் தொடர்பாக 80-க்கும் மேற்பட்ட மதிப்பாய்வு செய்யப்பட்ட ஆய்வுக் கட்டுரைகளை வெளியிட்டுள்ளார். மேலும், AI for Climate and Disaster Resilience Research Group (AICDRG)-ஐ வழிநடத்தி வருகிறார். அந்த ஆராய்ச்சி அனுபவங்கள், Applied AI மற்றும் Generative AI தொடர்பான கற்பித்தலிலும் நேரடியாகப் பிரதிபலிக்கப்படுகின்றன. 

தொழில்முறைப் பயிற்சியும் நடைமுறை மதிப்பீடுகளும் மாணவர்களை பணியுலகிற்கு எவ்வாறு தயார்படுத்துகின்றன? 

“MSc Computer Science with Professional Experience மற்றும் MSc Data Science with Professional Experience ஆகிய பாடநெறிகள், நாங்கள் வழங்கும் மிக முக்கியமான வாய்ப்புகளில் ஒன்றாகும்,” என்று Dr நளிந்த சோமசிறி கூறுகிறார். இந்தப் பாடநெறியின் கீழ், மாணவர்கள் பல்கலைக்கழகத்தால் அங்கீகரிக்கப்பட்ட நிறுவனங்களில் ஆறு முதல் பன்னிரண்டு மாதங்கள் வரை தொழில்முறைப் பயிற்சியில் ஈடுபடுகின்றனர். மாணவர், நிறுவனம் மற்றும் பல்கலைக்கழகம் ஆகிய மூன்று தரப்பினருக்கும் இடையிலான ஒப்பந்தத்தின் அடிப்படையில் இந்தப் பயிற்சி மேற்கொள்ளப்படுகிறது. பயிற்சிக்கு முன் CV தயாரித்தல் மற்றும் நேர்முகத் தேர்வு பயிற்சி வழங்கப்படுவதுடன், பயிற்சிக் காலத்தில் மாணவர்கள் நிஜ உலகத் திட்டங்களில் பணியாற்றுகின்றனர். பல்கலைக்கழகக் குழு அவர்களின் முன்னேற்றத்தை தொடர்ந்து கண்காணிக்கிறது. பயிற்சி நிறைவடைந்த பின், மாணவர்கள் மதிப்பெண் வழங்கப்படும் (Credit-bearing) பிரதிபலிப்பு அறிக்கையை (Reflective Report) சமர்ப்பிக்கின்றனர். இந்த அணுகுமுறையின் தரத்தை உறுதிப்படுத்தும் வகையில், 2024 ஆம் ஆண்டு MSc Computer Science மாணவர் ஒருவர், ASET Student Competition-இன் முதுநிலை (Postgraduate) பிரிவில் வெற்றி பெற்றது, துறையில் உருவாகும் பட்டதாரிகளின் தரத்திற்கு தேசிய அளவில் கிடைத்த அங்கீகாரமாகும். 

துறையின் எதிர்கால வளர்ச்சித் திட்டங்களும் புதிய கல்விப் பாதைகளும் என்ன? 

“டிஜிட்டல் பொருளாதாரத்தின் அடுத்த பத்தாண்டுகளைக் கருத்தில் கொண்டே நாங்கள் திட்டமிட்டு வருகிறோம்,” என்று Dr நளிந்த சோமசிறி கூறுகிறார். இந்த நோக்கத்தின் ஒரு பகுதியாக, MSc Applied AI and Cybersecurity மற்றும் MSc AI and Digital Transformation ஆகிய இரண்டு புதிய முதுநிலைப் பட்டப்படிப்புகள் தற்போது உருவாக்கப்பட்டு வருகின்றன. இப்பாடநெறிகள் 2027 பிப்ரவரி முதல் தொடங்க திட்டமிடப்பட்டுள்ளன. 

“Generative AI ஒவ்வொரு தொழில்துறையையும் மறுவடிவமைத்து வருகிறது. அந்த மாற்றத்திற்கேற்ப தங்களை மாற்றிக்கொள்ளும் பட்டதாரிகளை மட்டுமல்ல, அந்த மாற்றத்தை முன்னின்று வழிநடத்தும் தலைவர்களையே உருவாக்க விரும்புகிறோம்,” என்று Dr நளிந்த சோமசிறி கூறுகிறார். 

ஸ்வாதி கணேசன் SFHEA Deputy Associate Dean மற்றும் Programme Director – MSc Data Science இந்தியாவைப் பூர்வீகமாகக் கொண்ட ஸ்வாதி கணேசன், உலகின் முன்னணி தகவல் தொழில்நுட்ப நிபுணர்களை உருவாக்கும் நாடுகளில் ஒன்றான இந்தியாவின் தொழில்நுட்பச் சூழலில் தனது பணிப் பயணத்தைத் தொடங்கினார். தகவல் தொழில்நுட்பத் துறையில் மென்பொருள் வடிவமைப்பு, மென்பொருள் உருவாக்கம், மென்பொருள் சோதனை மற்றும் தர உறுதிப்படுத்தல் ஆகிய துறைகளில் பெற்றுள்ள ஆழமான தொழில்முறை அனுபவத்தை, இன்று தனது கல்வித் தலைமையின் மையமாக மாற்றியுள்ளார். 

பல்வகைமை, அனைவரையும் உள்ளடக்கும் கல்வி மற்றும் மாணவர்களின் சேர்ந்திருக்கும் உணர்வை துறை எவ்வாறு உறுதிப்படுத்துகிறது? 

“எங்களைப் பொறுத்தவரை, அனைவரையும் உள்ளடக்கும் கல்வி என்பது கூடுதலாகச் சேர்க்கப்படும் ஒரு அம்சமல்ல. முதல் நாளிலிருந்தே மாணவர்களின் கற்றல், ஆதரவு மற்றும் கல்வி அனுபவத்தின் ஓர் அங்கமாக அது அமைகிறது,” என்று ஸ்வாதி கணேசன் கூறுகிறார். MSc Data Science பாடநெறியின் Programme Director ஆகப் பணியாற்றும் அவர், தரவின் பல்வகைத் தன்மையையும் அது பிரதிநிதித்துவப்படுத்தும் சமூகங்களையும் பிரதிபலிக்கும் வகையில் பாடத்திட்டத்தை வழிநடத்தி வருகிறார். பத்துக்கும் மேற்பட்ட நாடுகளைச் சேர்ந்த மாணவர்கள் இத்துறையில் கல்வி கற்று வருகின்றனர். அவர்களின் பல்வேறு கல்வி மற்றும் கலாச்சாரப் பின்னணிகளை கருத்தில் கொண்டு, முதல் இரண்டு வாரங்களில் நடைபெறும் Enhanced Induction Programme, புதிய கல்விச் சூழலுக்கு மாணவர்கள் எளிதில் தங்களைத் தகவமைத்துக்கொண்டு வெற்றிகரமாக கல்விப் பயணத்தைத் தொடங்க உதவும் வகையில் வடிவமைக்கப்பட்டுள்ளது. Senior Fellow of the Higher Education Academy (SFHEA), IEEE உறுப்பினர், Senior Academic Leadership Team (SALT) உறுப்பினர் மற்றும் School Quality Panel (SQP) உறுப்பினராக இருக்கும் ஸ்வாதி கணேசன், ஆதாரப்பூர்வமான மற்றும் அனைவரையும் உள்ளடக்கும் கற்பித்தல் நடைமுறைகள் அனைத்து பாடத்திட்டங்களிலும் தொடர்ந்து பின்பற்றப்படுவதை உறுதிப்படுத்தி வருகிறார். 

பல்வேறு பின்னணிகளிலிருந்து வரும் மாணவர்கள் வெற்றிபெற எவ்வாறு ஆதரிக்கப்படுகிறார்கள்? “மாணவர்களின் கல்விப் பயணத்தின் ஒவ்வொரு கட்டத்திலும் எளிதில் அணுகக்கூடிய ஆதரவு அமைப்புகளை உருவாக்கியுள்ளோம்,” என்று ஸ்வாதி கணேசன் விளக்குகிறார். “அதில் கல்வித் திறன் மேம்பாட்டுப் பயிற்சிகள், மாணவர் நல ஆதரவு அமர்வுகள், ஒவ்வொரு பாடத்திலும் இடம்பெறும் இடைக்கால மதிப்பீட்டு செயல்பாடுகள் மற்றும் முன்பதிவு இல்லாமல் மாணவர்கள் அணுகக்கூடிய Student Hub ஆகியவை அடங்கும்.” மாணவர்களின் கருத்துகளையும் அனுபவங்களையும் தொடர்ந்து கல்வித் தர மேம்பாட்டிற்குப் பயன்படுத்தும் வகையில், துறை பல்வேறு Student Voice நடைமுறைகளைச் செயல்படுத்தி வருகிறது. மாணவர்களின் வருகைப் பதிவு தொடர்ந்து கண்காணிக்கப்படுகிறது. வருகை அல்லது கல்வி முன்னேற்றம் தொடர்பாக ஏதேனும் கவலைகள் எழும்போது, Programme Director-க்கு ஆரம்ப நிலையிலேயே அறிவிப்பு அனுப்பப்படுகிறது. மேலும், ஒவ்வொரு Semester-இலும் Portfolio Performance and Engagement Dashboard புதுப்பிக்கப்பட்டு, மாணவர் குழுக்களின் கல்வி முன்னேற்றமும் சாதனைகளும் தொடர்ந்து மதிப்பாய்வு செய்யப்படுகின்றன. 

தரவு அறிவியல் கற்பித்தலில் அனைவரையும் உள்ளடக்கும் பாடத்திட்ட வடிவமைப்பின் பங்கு என்ன? “தரவு அறிவியலின் தரம், அது எழுப்பும் கேள்விகளின் தரத்தைப் பொறுத்தே அமைகிறது,” என்று ஸ்வாதி கணேசன் கூறுகிறார். “அந்தக் கேள்விகளை உருவாக்குபவர்கள் அனைவரும் ஒரே மாதிரியான பின்னணியிலிருந்து வந்தால், தரவிலும், மாதிரிகளிலும், இறுதியில் நாம் எடுக்கும் முடிவுகளிலும் தவிர்க்க முடியாத குறைபாடுகள் உருவாகும்.” மருத்துவத் துறையில் செயற்கை நுண்ணறிவு (AI), இயந்திரக் கற்றல் (Machine Learning) மற்றும் ஆழ்கற்றல் (Deep Learning) பயன்பாடுகள் குறித்த ஆய்வில் ஈடுபட்டுள்ள முனைவர் பட்ட ஆய்வாளராக, குறிப்பாக Algorithmic Bias மனிதர்களின் வாழ்க்கையில் குறிப்பிடத்தக்க தாக்கத்தை ஏற்படுத்தக்கூடிய சூழல்களில், தரவு அறிவியலை பொறுப்புணர்வுடன் எவ்வாறு கற்பிக்க வேண்டும் என்பதற்கான தனது ஆராய்ச்சி அனுபவத்தை அவர் பாடத்திட்டத்துடன் இணைத்து வருகிறார். MSc Data Science பாடத்திட்டம், Machine Learning, Big Data, Cloud Platforms, புள்ளியியல் மற்றும் பயன்பாட்டு ஆராய்ச்சித் திட்டங்கள் ஆகியவற்றை உள்ளடக்கியதாகும். மேலும், தேவையான தொழில்நுட்பக் கருவிகள் மற்றும் தரவுத்தொகுப்புகளுக்கான சமமான அணுகல் வாய்ப்புகள், பாடத்திட்ட வடிவமைப்பின் தொடக்கத்திலிருந்தே உறுதிப்படுத்தப்பட்டுள்ளன. 

தொழில்நுட்பத் துறையில் தங்களுக்கு இடமில்லை என்று நினைக்கும் மாணவர்களிடம் நீங்கள் என்ன கூற விரும்புகிறீர்கள்? “தொழில்நுட்ப உலகிற்கு இன்னும் பல்வேறு குரல்களும், மாறுபட்ட பார்வைகளும், புதுமையான சிந்தனைகளும் தேவை,” என்று ஸ்வாதி கணேசன் கூறுகிறார். “மிகவும் புதுமையான அணிகள் என்பது பல்வகைமையைக் கொண்ட அணிகளே. உங்களிடம் ஆர்வமும் கற்றுக்கொள்ளும் மனப்பான்மையும் இருந்தால், இந்தத் துறையில் உங்களுக்கும் நிச்சயமாக இடம் உள்ளது. அந்த இலக்கை அடைய தேவையான திறன்கள், வழிகாட்டுதல் மற்றும் ஆதரவான கல்விச் சூழலை நாங்கள் வழங்குகிறோம்.” தொழில்துறையில் பணியாற்றிய ஒருவராக இருந்து கல்வித் தலைவராக உயர்ந்த தனது சொந்த அனுபவத்தைப் போலவே, கணினித் துறைக்குள் நுழைவதற்கு ஒரே ஒரு பாதை மட்டுமே இல்லை என்பதில் ஸ்வாதி கணேசன் உறுதியாக நம்புகிறார். அனைவருக்கும் வாய்ப்புகளை விரிவுபடுத்தி, பல்வேறு பின்னணிகளிலிருந்து வரும் மாணவர்கள் தொழில்நுட்பத் துறையில் வெற்றிபெற வழிவகுப்பதே துறையின் உறுதியான நோக்கமாகும். 

சங்கீதா போக்ரேல் FHEA Lecturer, Module Director மற்றும் Research Group Lead – Paragon Research and Innovation Group, London நேபாளத்தைப் பூர்வீகமாகக் கொண்ட சங்கீதா போக்ரேல், வேகமாக வளர்ந்து வரும் தொழில்நுட்பத் துறையையும், சமூக நலனை மையமாகக் கொண்ட பிரச்சினைத் தீர்க்கும் பண்பாட்டையும் கொண்ட நாட்டின் அனுபவத்தை தனது கல்விப் பணியுடன் இணைத்துள்ளார். தரவு அறிவியலை மாணவர்களுக்கு எளிதில் புரிந்துகொள்ளக்கூடியதாகவும், அனைவருக்கும் சமமாக அணுகக்கூடியதாகவும், நிஜ உலகச் சவால்களுடன் தொடர்புபடுத்தியும் கற்பிப்பதில் அவர் தனித்துவமான ஆர்வத்துடன் செயல்பட்டு வருகிறார். 

தரவு அறிவியலையும் கணினிக் கல்வியையும் எவ்வாறு நடைமுறை சார்ந்ததாகவும் ஈர்ப்புமிக்கதாகவும் மாற்றுகிறீர்கள்? “ஒவ்வொரு பாடமும் நிஜ உலகத்துடன் தொடர்புடையதாக இருக்க வேண்டும் என்பதே எங்கள் நோக்கம்,” என்று சங்கீதா போக்ரேல் கூறுகிறார். “மாணவர்கள் தொழில்துறையில் பயன்படுத்தப்படும் உண்மையான தரவுத்தொகுப்புகளுடன் பணியாற்றுகின்றனர். நடைமுறையில் எதிர்கொள்ளப்படும் கணினி சார்ந்த சவால்களுக்கு தீர்வு காண்கின்றனர். மேலும், தங்களது முடிவுகளை தொழில்முறைச் சூழலில் எதிர்பார்க்கப்படும் முறையில் விளக்கிக் கற்றுக்கொள்கிறார்கள்.” நேபாளத்தில் வளர்ந்த அவர், தரவைச் சரியாகப் பயன்படுத்தினால் பொதுச் சுகாதாரம், உள்கட்டமைப்பு மற்றும் சமூக மேம்பாடு போன்ற துறைகளில் உண்மையான மாற்றத்தை ஏற்படுத்த முடியும் என்பதை நேரடியாகக் கண்டுள்ளார். அந்த அனுபவமே அவரது கற்பித்தல் அணுகுமுறைக்கு அடிப்படையாக அமைந்துள்ளது. அவரது கருத்தரங்கப் பயிற்சிகள் (Seminars) அனைத்தும் உண்மையான தரவுகளை மையமாகக் கொண்டவை. அதேபோல், திட்டப் பாடங்களில் (Project Modules) மாணவர்கள் நிஜ உலகப் பிரச்சினைகளுக்கு கணினி அறிவியலைப் பயன்படுத்தி தீர்வுகளை உருவாக்க வேண்டும். “தரவு அறிவியலை ஒரு கோட்பாட்டு பாடமாக அல்ல, உலகைப் புரிந்துகொண்டு அதை மேம்படுத்த உதவும் ஒரு சக்திவாய்ந்த கருவியாக மாணவர்கள் பார்க்க வேண்டும் என்பதே என் விருப்பம்,” என்று சங்கீதா போக்ரேல் கூறுகிறார். 

மாணவர்களின் தன்னம்பிக்கையை வளர்க்க எந்த வகையான திட்டங்களும் செயல்பாடுகளும் உதவுகின்றன? “தன்னம்பிக்கை என்பது வகுப்பறைக் கற்றலால் மட்டும் உருவாகுவதில்லை; அனுபவத்தின் மூலமே அது வளர்கிறது,” என்று சங்கீதா போக்ரேல் கூறுகிறார். ஆராய்ச்சி போஸ்டர் கண்காட்சிகள், Hackathons, Innovation Sprints, தொழில்நுட்பப் பயிற்சிப் பட்டறைகள், தொழில் வழங்குநர்களின் சிறப்புரைகள், Networking நிகழ்வுகள் மற்றும் Enterprise Academy முயற்சிகள் மூலம், மாணவர்கள் தொடர்ந்து நிஜ உலகச் சவால்களுடன் ஈடுபடுவதற்கான வாய்ப்புகளைப் பெறுகின்றனர். 

மாணவர்கள் தங்களது ஆய்வுகள் மற்றும் திட்டங்களை கல்வியாளர்கள், தொழில்துறை நிபுணர்கள் மற்றும் வேலைவாய்ப்பு வழங்குநர்கள் முன் விளக்குவதோடு, நடைமுறைச் சவால்களுக்குத் தீர்வுகளை உருவாக்கவும் இணைந்து செயல்படுகின்றனர். சமீபத்தில், OCR அடிப்படையிலான PDF முக்கியச் சொல் கண்டறிதல் தொடர்பான MSc Data Science ஆய்வுத் திட்டமும், இங்கிலாந்தின் மாணவர் நிதி தொடர்பான வினாக்களுக்கு RAG மற்றும் LLM Chatbot-களின் பதில்களை ஒப்பீடு செய்த MSc Computer Science திட்டமும் குறிப்பிடத்தக்க மாணவர் முயற்சிகளாக அமைந்தன. 

“மாணவர்கள் மேடையில் நின்று தங்களது கருத்துகளைப் பகிர்ந்து, தொழில்துறையினருடன் தொடர்பு கொள்ளத் தொடங்கும்போது, அவர்கள் மாணவர்களைப் போல அல்ல, தொழில்முறை நிபுணர்களைப் போல சிந்திக்கத் தொடங்குகிறார்கள்,” என்று சங்கீதா போக்ரேல் கூறுகிறார். 

பட்டம் பெறும் நேரத்தில், அவர்கள் ஒரு கல்வித் தகுதியுடன் மட்டுமல்லாமல், தன்னம்பிக்கை, தொழில்முறை அனுபவம், தொடர்பு வலையமைப்பு மற்றும் பணியுலகிற்குத் தேவையான திறன்களுடனும் வெளியேறுகிறார்கள். 

மாணவர்கள் எந்தத் திறன்களை அதிகமாக வளர்த்துக் கொள்கிறார்கள்? 

“தொழில்நுட்பத் திறன்கள்தான் முதன்மையாக வளர்கின்றன. குறிப்பாக Python, TensorFlow, Scikit-learn, Big Data Engineering, Cloud Platforms மற்றும் புள்ளியியல் பகுப்பாய்வு போன்ற துறைகளில் மாணவர்கள் வலுவான திறன்களைப் பெறுகிறார்கள்,” என்று சங்கீதா போக்ரேல் கூறுகிறார். “ஆனால், அவர்களின் தொடர்பாடல் திறனும் தொழில்முறை அடையாளமும் வளர்வதைப் பார்ப்பதே எனக்கு மிகுந்த மகிழ்ச்சியை அளிக்கிறது. அவர்கள் உருவாக்கியதை விளக்கவும், அதன் முக்கியத்துவத்தை எடுத்துரைக்கவும் தெரிந்த பட்டதாரிகளையே வேலைவாய்ப்பு வழங்குநர்கள் எதிர்பார்க்கின்றனர். எங்கள் மாணவர்கள் படிப்பை முடிக்கும் நேரத்தில் இந்த இரு திறன்களையும் பெற்றிருப்பார்கள்.” லண்டனில் உள்ள Paragon Research and Innovation Group-இன் Research Group Lead ஆகப் பணியாற்றும் சங்கீதா போக்ரேல், தனது ஆராய்ச்சி அனுபவங்களையும் தொழில்முறை வலையமைப்பையும் மாணவர்களின் கற்றல் அனுபவத்துடன் தொடர்ந்து இணைத்து வருகிறார். 

Dr சூன்லே லிங் BSc, MSc, PhD, MBCS Senior Lecturer மற்றும் Director of Cloud Computing and Cybersecurity, York St John London மலேசியாவைப் பூர்வீகமாகக் கொண்ட Dr சூன்லே லிங், தொழில்நுட்பக் கல்வி மற்றும் டிஜிட்டல் உள்கட்டமைப்பில் தொடர்ந்து முதலீடு செய்து வரும் நாட்டின் அனுபவப் பின்னணியை தனது கல்விப் பணியுடன் இணைத்துள்ளார். வயர்லெஸ் தொடர்பியல், அல்காரிதம் உருவாக்கம், Simulation மற்றும் Modelling ஆகிய துறைகளில் பத்து ஆண்டுகளுக்கும் மேலான தொழில்துறை அனுபவத்துடன், செயற்கை நுண்ணறிவு (AI), இயந்திரக் கற்றல் (Machine Learning), Cloud Computing மற்றும் Cybersecurity ஆகிய துறைகளில் ஆழமான ஆராய்ச்சி நிபுணத்துவத்தையும் அவர் பெற்றுள்ளார். 

லண்டன் வளாகத்தின் கற்றல் சூழலின் தனிச்சிறப்பு என்ன? 

“உலகின் மிகத் துடிப்பான தொழில்நுட்பச் சூழல்களில் ஒன்றை மாணவர்கள் நேரடியாக அனுபவிக்கும் வாய்ப்பை எங்கள் வளாகம் வழங்குகிறது,” என்று Dr சூன்லே லிங் கூறுகிறார். “கனரி வார்ஃப் என்பது ஒரு புவியியல் இடம் மட்டுமல்ல; அது FinTech நிறுவனங்கள், உலகளாவிய வங்கிகள், Start-up நிறுவனங்கள் மற்றும் டிஜிட்டல் புதுமையாளர்கள் இணைந்து செயல்படும் ஒரு தொழில்முறைச் சமூகமாகும். அந்தச் சூழலில் கல்வி கற்பது, மாணவர்களின் எதிர்கால இலக்குகளையும் உயர்த்துகிறது. ஒருநாள் தாங்கள் பணியாற்றக்கூடிய நிறுவனங்களின் அலுவலகங்களைக் கடந்து அவர்கள் தினமும் நடந்து செல்கிறார்கள்.” நவீன வகுப்பறைகள் மற்றும் கணினி ஆய்வகங்களுடன் வடிவமைக்கப்பட்டுள்ள லண்டன் வளாகம், செய்முறை மற்றும் செயல்பாட்டு கற்றலுக்கான சிறந்த சூழலை வழங்குகிறது. மாணவர்கள் Discover@YSJU தளத்தின் மூலம் 50,000-க்கும் மேற்பட்ட மின்னூல்கள், IEEE, ACM மற்றும் Springer ஆய்விதழ்களைப் பயன்படுத்துவதுடன், யார்க் வளாகத்தில் உள்ள Fountains Learning Centre-இன் 24 மணி நேர கற்றல் வசதிகளையும் அணுக முடிகிறது. 

ஆய்வகங்கள், தொழில்நுட்பக் கருவிகள் மற்றும் டிஜிட்டல் தளங்கள் கற்றல் அனுபவத்தை எவ்வாறு மேம்படுத்துகின்றன? “தொழில்துறையில் உண்மையாகப் பயன்படுத்தப்படும் கருவிகளை மாணவர்கள் நேரடியாகப் பயன்படுத்தும் வாய்ப்பை வழங்குவதில் நாங்கள் தொடர்ந்து முதலீடு செய்து வருகிறோம்,” என்று Dr சூன்லே லிங் கூறுகிறார். கற்பித்தல் ஆய்வகங்களில் நவீன Workstations, பெரிய காட்சித் திரைகள், Embedded Systems மற்றும் Internet of Things (IoT) கற்றலுக்கான Raspberry Pi மற்றும் Arduino தளங்கள், மேலும் Enterprise மற்றும் Extended Reality பயன்பாடுகளுக்கான Meta Quest VR மற்றும் AR சாதனங்கள் ஆகியவை இடம்பெற்றுள்ளன. 

Microsoft Azure Virtual Machines மூலம் Cloud Computing வசதிகள் வழங்கப்படுவதால், வளாகத்திலோ அல்லது தொலைநிலையிலோ கல்வி கற்றாலும், அனைத்து மாணவர்களும் ஒரே தரமான கற்றல் சூழலைப் பெறுகின்றனர். பாடத்திட்டங்களில் Python மற்றும் Jupyter Notebooks (Data Science), Wireshark மற்றும் Kali Linux (Cybersecurity), AWS மற்றும் Azure (Cloud Engineering), Android Studio மற்றும் Xcode (Mobile Development), Tableau, Power BI, SQL மற்றும் R Studio (Data Analysis) போன்ற தொழில்துறையில் பரவலாகப் பயன்படுத்தப்படும் மென்பொருட்கள் மற்றும் தளங்கள் பயன்படுத்தப்படுகின்றன. 

“மலேசியாவில் இருந்தபோது, தொழில்நுட்பத்தைப் பற்றிய கோட்பாட்டு அறிவு மட்டும் போதாது; அதை நேரடியாகப் பயன்படுத்தும் வாய்ப்பும் மாணவர்களுக்கு அவசியம் என்பதை நான் உணர்ந்தேன். அதே கொள்கையைத்தான் இங்கும் நாங்கள் பின்பற்றுகிறோம்,” என்று Dr சூன்லே லிங் கூறுகிறார். 

மாணவர் ஆதரவு, கல்வி வெற்றி மற்றும் தொடர்ச்சியான ஈடுபாட்டில் எவ்வளவு முக்கியப் பங்கு வகிக்கிறது? 

“மாணவர் ஆதரவு என்பது சிக்கல் ஏற்பட்ட பிறகு வழங்கப்படும் உதவியல்ல; கல்விப் பயணத்தின் ஒவ்வொரு கட்டத்திலும் இயல்பாக இணைந்திருக்கும் ஒரு செயல்முறையாகும்,” என்று Dr சூன்லே லிங் கூறுகிறார். முதல் இரண்டு வாரங்களில் நடைபெறும் Enhanced Induction Programme மூலம், கல்விசார் எழுத்துத் திறன், டிஜிட்டல் கருவிகளின் பயன்பாடு, தொழில்முறை அடையாளம் மற்றும் BCS உறுப்பினர் தகுதிக்கான வழிகள் குறித்து மாணவர்களுக்கு அறிமுகம் வழங்கப்படுகிறது. 

ஒவ்வொரு பாடத்திலும் இடம்பெறும் இடைக்கால மதிப்பீடுகள் (Formative Assessments) மூலம் மாணவர்கள் எதிர்கொள்ளும் சவால்கள் ஆரம்பத்திலேயே கண்டறியப்படுகின்றன. வருகைப் பதிவுகள் தொடர்ந்து கண்காணிக்கப்பட்டு, தேவையானபோது Programme Director-க்கு ஆரம்பகட்ட அறிவிப்புகள் அனுப்பப்படுகின்றன. 

வாராந்திர Wellbeing Drop-in அமர்வுகள், வளாகத்திலும் இணையவழியிலும் 24 மணி நேரமும் அணுகக்கூடிய Student Hub, மற்றும் ஒவ்வொரு பாடத்துடனும் இணைந்து செயல்படும் Academic Skills Team ஆகியவை, மாணவர்களுக்குத் தேவையான நேரத்தில் இலக்குப்படுத்தப்பட்ட கல்வி ஆதரவை வழங்குகின்றன. 

விருந்தினர் சொற்பொழிவுகளும் தொழில்துறை ஒத்துழைப்பும் மாணவர்களின் கற்றல் அனுபவத்தை எவ்வாறு மேம்படுத்துகின்றன? 

“அவை வகுப்பறைக்கும் பணியுலகிற்கும் இடையிலான இடைவெளியைக் குறைக்கின்றன,” என்று Dr சூன்லே லிங் கூறுகிறார். துறை தொடர்ந்து BCS உறுப்பினர்கள் மற்றும் மூத்த தொழில்துறை நிபுணர்கள் பங்கேற்கும் விருந்தினர் சொற்பொழிவுகளை நடத்தி வருகிறது. சமீபத்தில் IBM, Amazon, Google DeepMind மற்றும் Antheus Ltd நிறுவனத்தின் Technical Consultant உள்ளிட்ட நிபுணர்கள், MSc மாணவர்களுடன் நிஜ உலகக் கணினி அறிவியல் சவால்கள் குறித்த தங்களது அனுபவங்களைப் பகிர்ந்துகொண்டனர். 

அனைத்து முதுநிலைப் பாடத்திட்டங்களிலும் இடம்பெறும் Enterprise Academy திட்டத்தின் மூலம், ஆண்டு முழுவதும் Innovation Sprints, Hackathons மற்றும் தொழில் வழங்குநர்கள் வழிநடத்தும் Assessment Centre பாணியிலான பயிற்சிப் பட்டறைகள் நடத்தப்படுகின்றன. 

“ஒரு Cybersecurity நிபுணர் தான் கையாள்ந்த உண்மையான சம்பவத்தைப் பகிரும்போதோ, அல்லது ஒரு Cloud Architect நிஜ உலகில் எடுக்கப்பட்ட தொழில்நுட்ப முடிவுகளை மாணவர்களுக்கு விளக்கும்போதோ, எந்தப் பாடநூலும் வழங்க முடியாத வகையில் பாடத்திட்டம் உயிர்ப்புடன் மாறுகிறது,” என்று Dr சூன்லே லிங் கூறுகிறார். 

இங்கு கல்வி கற்கும் அனுபவத்திலிருந்து மாணவர்கள் என்ன எடுத்துச் செல்ல வேண்டும் என்று நீங்கள் விரும்புகிறீர்கள்? “தொழில்நுட்பத் திறன் முக்கியம். ஆனால் அதைவிட முக்கியமானது, உண்மையான தொழில்முறை அடையாளமும் தன்னம்பிக்கையும்,” என்று Dr சூன்லே லிங் கூறுகிறார். 

“யார்க் செயின்ட் ஜான் லண்டனை விட்டு வெளியேறும் ஒவ்வொரு மாணவரும், சிக்கலான பிரச்சினைகளுக்குத் தீர்வு காணும் திறன், பல்வேறு பின்னணிகளைச் சேர்ந்தவர்களுடன் இணைந்து பணியாற்றும் திறன் மற்றும் தங்கள் தொழில்முறை வாழ்நாள் முழுவதும் தொடர்ந்து கற்றுக்கொள்ளும் மனப்பான்மை ஆகியவற்றுடன் வெளியேற வேண்டும் என்பதே என் விருப்பம்.” தங்களது பட்டப்படிப்புடன் இணைந்து MBCS உறுப்பினர் தகுதியையோ அல்லது Cloud Computing மற்றும் Cybersecurity தொடர்பான தொழில்முறைச் சான்றிதழ்களையோ பெறும் மாணவர்கள், அவர்கள் கற்ற அறிவை மட்டுமல்ல, தொழில்முறை நிபுணர்களாக தங்களது அடையாளத்தையும் வெளிப்படுத்துகிறார்கள். “அந்த அடித்தளத்தை மாணவர்களிடம் உருவாக்க முடிந்தால், மற்ற அனைத்தும் இயல்பாகவே தொடர்ந்து வரும்,” என்று Dr சூன்லே லிங் நம்பிக்கையுடன் கூறுகிறார். 

எதிர்காலத்தை உருவாக்கும் கல்வித் துறை 

லண்டனின் தொழில்நுட்பத் துறைக்கு இன்று மிகவும் தேவைப்படுவது, தொழில்நுட்பத் திறன் மட்டுமல்லாமல், தொழில்முறைத் தயார்நிலை மற்றும் நெறிமுறைப் பொறுப்புணர்வும் கொண்ட பட்டதாரிகளாகும். அந்தத் தேவையைப் பூர்த்தி செய்யும் நோக்கத்துடன், யார்க் செயின்ட் ஜான் பல்கலைக்கழகத்தின் லண்டன் வளாக கணினி அறிவியல் மற்றும் தரவு அறிவியல் துறை தொடர்ந்து செயல்பட்டு வருகிறது. 

பல்வேறு நாடுகளைச் சேர்ந்த கல்வியாளர்களால் வழிநடத்தப்படும் இத்துறை, ஒரே நோக்கத்துடன் செயல்படும் கல்விக் குழுவாக, கல்விசார் மேன்மையையும் நிஜ உலகத் தேவைகளையும் ஒருங்கிணைக்கும் கற்றல் சூழலை உருவாக்கியுள்ளது. BCS அங்கீகாரம் பெற்ற மூன்று பாடநெறிகள், பயன்பாட்டு செயற்கை நுண்ணறிவு (Applied AI), இணையப் பாதுகாப்பு (Cybersecurity) மற்றும் டிஜிட்டல் மாற்றம் (Digital Transformation) ஆகிய துறைகளில் தொடர்ந்து விரிவடைந்து வரும் கல்வி வாய்ப்புகள், மேலும் கடந்த ஆறு ஆண்டுகளில் பத்துக்கும் மேற்பட்ட நாடுகளைச் சேர்ந்த 400-க்கும் அதிகமான மாணவர்கள் கொண்ட பன்முகக் கல்விச் சமூகத்துடன், எதிர்காலத் தொழில்நுட்பக் கல்விக்கான தனது அர்ப்பணிப்பை இத்துறை தொடர்ந்து வெளிப்படுத்தி வருகிறது. 

இன்றைய வேலைவாய்ப்புகளுக்காக மட்டும் மாணவர்களைத் தயார்படுத்துவது அல்ல, நாளை உருவாகவிருக்கும் புதிய தொழில்களுக்கும் இன்னும் உருவாகாத துறைகளுக்கும் தேவையான அறிவு, திறன் மற்றும் தழுவிக்கொள்ளும் ஆற்றலை வழங்குவதே இத்துறையின் நோக்கமாகும்.