New Generation Sri Lanka Youth Top 40 Awards - 2026' விருது விழாவில் ஆண்டின் இளையோர் தொலைக்காட்சி அலைவரிசையாக (Youth TV Channel of the Year) 'டிவி தெரண' (TV Derana) விருதை வென்றுள்ளது. 

இந்த விருது விழா கொழும்பு ஷங்கிரிலா ஹோட்டலில் நடைபெற்றது. 

7 ஆவது முறையாக ஏற்பாடு செய்யப்பட்ட 'New Generation Sri Lanka Youth Top 40 Awards - 2026' விருது விழா கொழும்பில் வெகுவிமரிசையாக நடைபெற்றது. 

விழாவின் பிரதம விருந்தினராக இலங்கைக்கான துருக்கி தூதுவர் செமிஹ் லுட்பு தர்குட், கௌரவ விருந்தினராக இலங்கை கிரிக்கெட் பரிமாற்றக் குழுவின் தலைவரும் முன்னாள் பாராளுமன்ற உறுப்பினருமான எரான் விக்ரமரத்னவும் கலந்துகொண்டனர். 

இலங்கையின் இளையோர் தலைமைத்துவம், புத்தாக்கம், சமூக தாக்கம் மற்றும் பொறுப்புமிக்க செயற்பாடுகளைப் பாராட்டி கௌரவிக்கும் வகையில் நாட்டின் பல்வேறு துறைகளை அடிப்படையாகக் கொண்டு இங்கு விருதுகள் வழங்கப்பட்டன. 

விருது விழாவில் நாட்டின் ஊடகத்துறையின் சிறப்புக்காக வழங்கப்பட்ட ஆண்டின் இளையோர் தொலைக்காட்சி அலைவரிசைக்கான (Youth TV Channel of the Year) விருதை 'டிவி தெரண' கைப்பற்றியமை குறிப்பிடத்தக்கது.