செய்திகள்
அரசாங்கத்தின் செயற்பாடுகளுக்கு ஆதரவாக கொழும்பில் பேரணி!
Oct 17, 2026 - 05:45 PM
"ஜனவரமே புரவெசியோ" (மக்களாணையின் குடிமக்கள்) அமைப்பினால் கொழும்பில் ஏற்பாடு செய்யப்பட்டுள்ள பாரிய மக்கள் பேரணியொன்று தற்போது ஜனாதிபதி செயலகத்தை நோக்கி நகர்ந்து கொண்டிருக்கிறது.
"திருடர்களுக்குத் தண்டனை வழங்குவதற்கு எதிரான சதித்திட்டங்களை முறியடிப்போம்" என்ற எழுச்சி முழக்கத்துடன் இந்தப் பேரணி ஏற்பாடு செய்யப்பட்டுள்ளது.
ஆரம்பத்தில் கொழும்பு கோட்டைப் பகுதியில் ஒன்றுகூடிய குறித்த அமைப்பினரும் பொதுமக்களும், அங்கிருந்து காலி முகத்திடல் ஊடாக ஜனாதிபதி செயலகம் நோக்கி ஊர்வலமாகச் சென்று கொண்டிருக்கின்றமை குறிப்பிடத்தக்கது.