5 அணிகள் பங்கேற்றுள்ள 4 ஆவது பெண்கள் பிரிமீயர் லீக் (டபிள்யூ.பி.எல்.) 20 ஓவர் கிரிக்கெட்டின் முதற்கட்ட ஆட்டங்கள் இந்தியாவின் நவிமும்பையில் நடந்தன. 

இதனையடுத்து எஞ்சிய ஆட்டங்கள் அனைத்தும் குஜராத் மாநிலம் வதோதராவில் நடைபெற்று வருகிறது. 

நேற்று (19) இரவு 7.30 மணிக்கு இடம்பெற்ற 12 ஆவது லீக் போட்டியில் ஸ்மிருதி மந்தனா தலைமையிலான பெங்களூரு ராயல் சேலஞ்சர்ஸ் அணி, ஆஷ்லி கார்ட்னெர் தலைமையிலான குஜராத் ஜெயன்ட்சுடன் மோதியது. 

இப்போட்டியில் முதலில் துடுப்பெடுத்தாடிய பெங்களூரு அணி 6 விக்கெட் இழப்பிக்கிற 178 ஓட்டங்களை குவித்தது. இதையடுத்து களமிறங்கிய குஜராத் அணி 20 ஓவரில் 8 விக்கெட் இழப்பிற்கு 117 ஓட்டங்கள் மட்டுமே எடுத்து 61 ஓட்டங்கள் வித்தியாசத்தில் தோல்வி அடைந்தது. 

இந்த வெற்றியின் மூலம் மகளிர் ப்ரீமியர் லீக் நடப்பு சீசனில் முதல் அணியாக பிளே ஆப் சுற்றுக்கு ராயல் சேலஞ்சர்ஸ் பெங்களூரு தகுதி பெற்றுள்ளது. 

ஸ்மிருதி மந்தனா தலைமையிலான பெங்களூரு அணி இதுவரை விளையாடிய 5 போட்டிகளிலும் வெற்றி பெற்று அசத்தி வருகிறது என்பது குறிப்பிடத்தக்கது.