இந்தியா - நியூசிலாந்து அணிகளுக்கு இடையேயான 3 ஆவது டி20 போட்டி நேற்று (25) நடைபெற்றது. இதில் முதலில் துடுப்பெடுத்தாடிய நியூசிலாந்து அணி 20 ஓவரில் 9 விக்கெட்டுகளை இழந்து 153 ஓட்டங்களை எடுத்தது. 

இதனையடுத்து களமிறங்கிய இந்திய அணி 10 ஓவரில் 2 விக்கெட்டுகளை மட்டும் இழந்து 155 ஓட்டங்கள் எடுத்து 7 விக்கெட்டுகள் வித்தியாசத்தில் வெற்றி பெற்றது. மேலும் 5 போட்டிகள் கொண்ட தொடரை 3-0 (5) என்ற கணக்கில் கைப்பற்றியது. 

இந்நிலையில் இந்த வெற்றியின் மூலம் டி20 கிரிக்கெட்டில் இந்திய அணி பல சாதனைகளை படைத்துள்ளது. 

அந்த வகையில் இரு நாட்டு டி20 கிரிக்கெட்டில் இந்திய அணி தொடர்ச்சியாக கைப்பற்றிய 9 ஆவது தொடர் இதுவாகும். இந்த வகையில் பாகிஸ்தான் முதலிடத்தில் (10 தொடர் வெற்றி) உள்ளது. 

இரு நாட்டு தொடருடன், 20 ஓவர் உலகக் கிண்ணம் மற்றும் ஆசிய கிண்ணத்தையும் சேர்த்தால் இந்திய அணி தொடர்ச்சியாக தனதாக்கிய 11 ஆவது தொடராக இது அமையும். 

154 ஓட்டங்கள் இலக்கை இந்திய அணி 60 பந்துகள் மீதம் வைத்து எட்டிப்பிடித்துள்ளது. Full Member Nations இடையே நடந்த டி20 கிரிக்கெட்டில் 150 ஓட்டங்களுக்கு மேலான இலக்கை 10 ஓவர் மீதம் வைத்து எட்டிப்பிடித்த முதல் அணி இந்தியா தான்.