இலங்கையின் ஒரேயொரு சர்வதேச-உள்ளூர் (GLOCAL) சுப்பர்மார்க்கெட் சங்கிலியாகத் திகழ்ந்து வருகின்ற SPAR Sri Lanka, கண்டி மற்றும் குருணாகல் ஆகிய இடங்களில் புத்தம்புதிய விற்பனை மையங்களைத் திறந்துவைத்து நாட்டில் தனது விரிவாக்க முயற்சிகளை தொடர்ந்தும் சிறப்பாக முன்னெடுத்து வருகின்றது. 

27B, ஜோர்ஜ் ஈ. டி சில்வா மாவத்தை என்ற முகவரியில் அமைந்துள்ள கண்டி விற்பனை மையமானது மார்ச் 30, திங்கட்கிழமை காலை 10 மணிக்கு உத்தியோகபூர்வமாக திறந்து வைக்கப்படவுள்ளதுடன், மலைநாட்டின் தலைநகரில் கொள்வனவாளர்கள் நீண்ட காலமாக காத்திருந்த ஒரு வாய்ப்பினை அவர்களுக்கு வழங்கி சாதனை மைற்கல்லினை நிலைநாட்டவுள்ளது. 

தற்போது நாடளவில் 12 விற்பனை மையங்களைக் கொண்டிருக்கும் வகையில் விரிவுபடுத்தப்பட்டுள்ளமையானது சர்வதேச தர ஒப்பீட்டைக் கொண்ட கொள்வனவு அனுபவங்களை கொழும்பிற்கு வெளியிலுள்ள பிரதேசங்களிலுள்ளவர்களும் இலகுவாகப் பெற்றுக்கொள்ள வழிவகுப்பதில் SPAR ன் அர்ப்பணிப்பைப் பிரதிபலிக்கின்றது. 

நாட்டில் மிகவும் நன்மதிப்பையும், அபிமானத்தையும் கொண்டுள்ள வர்த்தகநாமங்களில் ஒன்றான சிலோன் பிஸ்கட்ஸ் லிமிட்டெட் (Ceylon Biscuits Limited - CBL) நிறுவனத்தின் வலுவான உள்நாட்டுக் கூட்டாண்மையின் பலத்துடன் இலங்கையில் SPAR வளர்ச்சி கண்டு வருகின்றது. 2017 ம் ஆண்டில் இலங்கையில் காலடியெடுத்து வைத்திருந்த SPAR, உள்ளூர் நுகர்வோர் மற்றும் விநியோகச் சங்கிலி குறித்து CBL ன் ஆழமான புரிதல் மற்றும் சர்வதேச விற்பனை நிபுணத்துவம் ஆகியவற்றின் சிறப்பான இணைப்பைக் கொண்டுள்ளது. இவற்றின் ஒத்துழைப்பினூடாக, “சர்வதேசம் ஆனால் உள்ளூர்” (global yet local) என்ற விற்பனைக் கோட்பாட்டை அறிமுகப்படுத்த SPAR ஆல் முடிந்துள்ளது. இலங்கையில் உற்பத்தியாளர்களுக்கு ஆதரவளிக்கும் அதேசமயம், சர்வதேச தரத்திலான தயாரிப்புக்கள் மற்றும் அனுபவங்களை வாடிக்கையாளர்கள் பெற்றுக்கொள்வதற்கும் வாய்ப்பளிக்கின்றது. 

SPAR SaveMor நாமத்தின் கீழ் உள்ளூர் தொழில்முயற்சியாளர்களின் கூட்டாண்மையுடன் தனது எதிர்கால விரிவாக்க முயற்சிகளை முன்னெடுத்துச் செல்வதில் SPAR அர்ப்பணிப்புடன் உள்ளது. இந்த முயற்சியின் கீழ் உள்ளூர் வணிக உரிமையாளர்களின் ஆற்றல்களை வலுப்படுத்துவதன் மூலமாகவும், தொழிற்பாட்டுத் தராதரங்களை மேம்படுத்துவதனூடாகவும், மற்றும் சர்வதேசரீதியாக அங்கீகாரம் பெற்ற விற்பனைக் கட்டமைப்பிற்கான அணுகலை வழங்குவதனூடாகவும் அவர்களுக்கு வலுவூட்டி, மேம்படுத்துவதே SPAR ன் நோக்கம். 

இலங்கையின் சுப்பர்மார்க்கெட் தொழிற்துறையில் கடந்த 7 ஆண்டுகளாக வெற்றிநடை போட்டு வந்துள்ள SPAR Sri Lanka, தற்போது மிகச்சிறந்த தயாரிப்பு வரிசைகளை வழங்குவதுடன், வாடிக்கையாளர்களின் அன்றாடத் தேவைகளைப் பூர்த்தி செய்வதற்கு சர்வதேச ரீதியாகவும் மற்றும் உள்ளூரிலிருந்து பெறப்படுகின்ற பொருட்களையும் கொண்டுள்ளது. சர்வதேச தராதரங்களைப் பூர்த்தி செய்யும் அதேவேளையில் உள்ளூர் உற்பத்திக்கு ஆதரவளிக்கும் வகையில் உயர் மட்டத்திலான SPAR சொந்த தயாரிப்புக்கள் வரிசையையும் கொள்வனவாளர்கள் பெற்று மகிழலாம். புத்தம்புதிய உணவின் மகத்துவத்தில் வலுவான கவனம் செலுத்தியுள்ள SPAR விற்பனை மையங்கள் புத்தம்புதிய தயாரிப்புக்கள், பேக்கரி, இறைச்சி மற்றும் பிரபலமான உடனடியாக உட்கொள்ளக்கூடிய உணவு வகைகளுக்கென பிரத்தியேகமான பிரிவுகளையும் கொண்டுள்ளன. 

சர்வதேசரீதியாக பயிற்றுவிக்கப்பட்ட பணியாளர்களுடன் மகத்துவம்மிக்க வாடிக்கையாளர் சேவையின் துணையுடனும், மிகவும் சிந்தித்து வடிவமைக்கப்பட்டுள்ள விற்பனை மைய உட்புற வடிவமைப்பு மற்றும் அதிநவீன சூழல் ஆகியவற்றுடன் அனைவருக்கும் இடைவிடாத மற்றும் மகிழ்விக்கும் கொள்வனவு அனுபவத்தை SPAR உறுதி செய்கின்றது.   

SPAR ன் 13 வது விற்பனை மையத்தை ஏப்ரல் மாதத்தில் குருணாகலில் திறந்துவைப்பதற்கான ஏற்பாடுகள் தற்போது மேற்கொள்ளப்பட்டு வருகின்றன. நாடெங்கிலும் பூகோளவியல் ரீதியாக மாத்திரமன்றி, வாடிக்கையாளர்களுக்கு சௌகரியம், தரம் மற்றும் மதிப்பை மேம்படுத்துவதில் அர்ப்பணிப்புடன் உலகத்தரம் வாய்ந்த அனுபவத்தை இலங்கையின் சுப்பர்மார்க்கெட் துறையில் ஏற்படுத்தி அதனை மேம்படுத்துவதற்கான முதலீடுகளை தொடர்ந்தும் மேற்கொள்வதை SPAR ன் வளர்ச்சி புலப்படுத்துகின்றது. 

சர்வதேச தராதரங்கள் மற்றும் உள்ளூர் சம்பந்தம் ஆகியவற்றின் தனித்துவமான இணைப்புடன், கண்டி, குருணாகல் மற்றும் அதற்கு அப்பாலுள்ள சமூகங்களின் அன்றாட மளிகைப்பொருள் கொள்வனவில் திருப்புமுனையை ஏற்படுத்துவதற்கு SPAR தயாராகவுள்ளது.