புத்தம் புதிய கியா டஸ்மன் (Kia Tasman) வருகையுடன், இலங்கையின் வாகனச் சந்தையில் கியா மோட்டார்ஸ் லங்கா (Kia Motors Lanka) ஒரு புதிய சகாப்தத்தை உருவாக்கியுள்ளது. இந்த வாகனம் பிக்கப் (pickup) பிரிவில் நுழைவது மட்டுமல்லாமல், அந்தப் பிரிவையே மாற்றியமைக்க முயல்கிறது. 

டஸ்மன் (Tasman) என்பது கியாவின் முதல் பிக்கப் ட்ரக் ஆகும், இது இந்த வகையிலான வழக்கமான மரபுகளுக்கு அப்பால் சவாலான வகையில் உருவாக்கப்பட்டுள்ளது. வேலைப்பளு மற்றும் அன்றாட ஓட்டுதல் தேவைகளுக்கு இடையே தடையின்றி செயல்படும் வகையில், பன்முகத்தன்மை, நேர்த்தி மற்றும் கரடுமுரடான திறனை உள்ளூர் வீதிகளுக்குக் கொண்டு வந்து, புதிய தரத்தை இது அறிமுகப்படுத்துகிறது. 

கியா (Kia) நிறுவனத்தின் இதுவரையிலான வரலாற்றிலேயே மிகவும் சவாலான, கரடுமுரடான வீதிகளிலும் சிறப்பாகச் செல்லக்கூடிய வகையில் கியா டஸ்மன் (Kia Tasman) பிக்கப் ட்ரக் வடிவமைக்கப்பட்டுள்ளது. இந்த பிக்கப் வாகனம், அதிக எடையைச் சுமந்து செல்லவும், ஆழமான தண்ணீரில் செல்லவும், மிகக் கடினமான நிலப்பரப்புகளில் பயணிக்கவும் ஏதுவாக, அதே சமயம் சொகுசான விதத்தில், இடவசதிகொண்டதாகவும் மற்றும் நவீன தொழில்நுட்பத்துடன் உருவாக்கப்பட்டுள்ளது. 

Kia Tasman வருகை, Kia நிறுவனத்திற்கே அல்லாமல் இலங்கையில்பிக்கப் ட்ரக் வளர்ச்சிக்கும் ஒரு முக்கியமான மைல்கல்லாகும், என்று Kia Motors (Lanka) தலைவர் திரு மகேன் தம்பையா தெரிவித்தார். இது எந்த சமரசமும் இல்லாமல் வடிவமைக்கப்பட்ட ஒரு வாகனம். வலிமை, புத்திசாலித்தனம் மற்றும் நுணுக்கம் ஆகியவற்றை ஒன்றிணைத்து, பிக்கப் வாகனம் என்ற கருத்தை புதிதாக மறுபரிசீலனை செய்கிறது. நீடித்த தன்மை, திறன் மற்றும் அன்றாட சௌகரியம் ஆகியவற்றை சமமாக எதிர்பார்க்கும் வாடிக்கையாளர்களுக்கு, Tasman அனைத்து துறைகளிலும் சிறப்பாக செயல்படுகிறது. 

முழுமையாக புதிய, வலுவான body-on-frame தளத்தில் வடிவமைக்கப்பட்ட Tasman, அதன் வகையில் முன்னணியில் இருக்கும் வலிமையை வழங்குகிறது. இது அதிகபட்சமாக 1,151 கிலோ வரை சரக்குகளை ஏற்றிச் செல்லும் திறனையும், 3,500 கிலோ வரை இழுத்துச் செல்லும் திறனையும் கொண்டுள்ளது. மேலும், இந்த பிக்கப் வாகனம் 2.2 லீட்டர் டீசல் என்ஜின் மற்றும் எட்டு வேக தானியங்கி கியர் (automatic transmission) அமைப்புடன் வருகிறது. Kia Tasman-ன் தனித்துவம் அதன் இரட்டைத் தன்மையில் உள்ளது. கரடுமுரடான வெளித்தோற்றத்திற்கு அடியில், பிக்கப் ட்ரக்குகளில் அரிதாகவே காணப்படும் உயர்தர சௌகரியம் மற்றும் நுட்பமான வசதிகளை இது கொண்டுள்ளது. இதன் உட்புறம் பயணிகளின் வசதிக்காகச் சரிசெய்யக்கூடிய பின் இருக்கைகள், சிறந்த லெக்ரூம் மற்றும் ஹெட்ரூம் வசதிகளுடன், நீண்ட தூரப் பயணங்களை மிகவும் சொகுசாக மாற்றுகிறது.