தமிழ் சினிமாவில் முன்னணி ஹீரோவாக தற்போது உயர்ந்துள்ளார் பிரதீப் ரங்கநாதன். இவர் நடிப்பில் வெளிவந்த லவ் டுடே, டிராகன் மற்றும் Dude ஆகிய மூன்று திரைப்படங்களும் 100 கோடி ரூபாவுக்கும் மேல் வசூல் செய்து சாதனை படைத்தன. 

இவர் நடிப்பில் அடுத்ததாக வெளிவரவிருக்கும் திரைப்படம் LiK. இப்படத்தை இயக்குநர் விக்னேஷ் சிவன் இயக்கியுள்ளார். இப்படம் பெரிதும் எதிர்பார்ப்புடன் வருகிற 10 ஆம் திகதி திரையரங்குகளில் வெளிவரவுள்ளது. 

LiK திரைப்படத்தை தொடர்ந்து பிரதீப் ரங்கநாதன் அடுத்ததாக தெலுங்கு இயக்குநர் சந்திரசேகர் எலெட்டி இயக்கத்தில் புதிய படத்தில் நடிக்கவுள்ளார். இப்படத்துக்கான அறிவிப்பு விரைவில் வெளிவரும் என எதிர்பார்க்கப்படுகிறது. 

இந்த நிலையில், இப்படத்தில் நடிப்பதற்காக நடிகர் பிரதீப் ரங்கநாதன் 50 கோடி ரூபா சம்பளம் கேட்பதாக தகவல் வெளியாகியுள்ளது. தொடர் வெற்றியின் காரணமாக படத்திற்கு படம் பிரதீப் சம்பளம் உயர்ந்து வருகிறது என சினிமா வட்டாரத்தில் பேசப்படுகிறது. இதன்மூலம் தமிழ் சினிமாவின் உச்ச நட்சத்திரங்களுக்கு இணையாக பிரதீப் ரங்கநாதன் உயர்ந்து வருகிறார் என தெரிகிறது.