E. B. Creasy & Co., PLC – BIC & DENTA தொழிற்சாலை, அண்மையில் நடைபெற்ற பெண்களினால் வழிநடத்தப்படும் நிலைபேறான திட்டங்களுக்கான பாராட்டு விருதுகள் 2026 நிகழ்வில் வெற்றியாளராக அங்கீகரிக்கப்பட்டுள்ளது. பாணந்துறையிலுள்ள The Barnhouse ஹோட்டலில், பொறுப்புமிக்க பாதுகாப்பு முன்முயற்சியின் கீழ் வழங்கப்பட்ட இவ்விருதானது, இந்நிறுவனத்தின் Awesi திட்டத்தைக் கௌரவிக்கும் வகையில் வழங்கப்பட்டது. 

இத்திட்டமானது பணியிடப் பாதுகாப்பு, புதுமை மற்றும் நிலைபேறான தன்மை ஆகியவற்றில் ஏற்படுத்திய நிரூபிக்கப்பட்ட சாதகமான தாக்கத்தின் காரணமாக, இந்த ஆண்டின் பெண்களினால் வழிநடத்தப்பட்ட மிகச்சிறந்த 10 திட்டங்களில் ஒன்றாகத் தெரிவுசெய்யப்பட்டு இந்த அங்கீகாரத்தைப் பெற்றுள்ளது. 

தரக் கட்டுப்பாட்டுப் பிரிவின் நிறைவேற்று அதிகாரி ஷனிகா அமரசேகர மற்றும் எரிசக்தி மற்றும் நிலைபேறான பிரிவின் நிறைவேற்று அதிகாரி திலக்ஷி நவோத்யா ஆகியோரின் கூட்டுத் தலைமைத்துவத்தின் கீழ் வழிநடத்தப்பட்ட Awesi திட்டம், உள்ளடக்கமான தொழிற்துறை அபிவிருத்திக்குரிய ஒரு முன்மாதிரியான மற்றும் ஏனையவர்களாலும் பின்பற்றத்தக்க சிறந்த மாதிரியாக விளங்கியமைக்காக இந்த அங்கீகாரத்தைப் பெற்றுள்ளது. 

Lanka Responsible Care Council (LRCC) அமைப்பினால் ஏற்பாடு செய்யப்பட்ட இந்த விருதுவழங்கும் விழா, இரசாயனத் துறையில் பாதுகாப்பான, பொறுப்புமிக்க மற்றும் நிலைபேறான நடைமுறைகளை வெளிப்படுத்தும் நிறுவனங்களை அங்கீகரித்துக் கௌரவிக்கின்றது. இந்த சாதனை மைல்கல், E. B. Creasy & Co., PLC – BIC and Denta தொழிற்சாலை, ஆரோக்கியம், பாதுகாப்பு மற்றும் பணியிட நிலைபேறான தன்மை ஆகியவற்றை மேம்படுத்துவதில் கொண்டுள்ள தொடர்ச்சியான அர்ப்பணிப்பை மேலும் உறுதிப்படுத்துகிறது.