Sep 1, 2026 - 03:51 PM
சமுதாயஞ்சார் சீர்திருத்தச் (திருத்தச்) சட்டமூலத்தை அரச வர்த்தமானியில் வெளியிடுவதற்கும், பின்னர் பாராளுமன்ற அங்கீகாரத்திற்காக சமர்ப்பிப்பதற்கும் அமைச்சரவை அங்கீகாரம் வழங்கியுள்ளது.
மீண்டும் மீண்டும் குற்றங்களைச் செய்கின்ற தவறாளர்கள் தொடர்பாக மிகவும் பயனுறுதி வாய்ந்த சட்டத்தை அமுல்படுத்தக்கூடிய வகையில் உரிய ஏற்பாடுகளை காலத்தோடு தழுவியதாக இற்றைப்படுத்தி 1999 ஆம் ஆண்டின் 46 ஆம் இலக்க சமுதாயஞ்சார் சீர்திருத்தச் சட்டத்தைத் திருத்தம் செய்வதற்கு 2025.04.07 அன்று இடம்பெற்ற அமைச்சரவைக் கூட்டத்தில் அங்கீகாரம் வழங்கப்பட்டுள்ளது.
குறித்த அங்கீகாரத்தின் பிரகாரம், சட்ட வரைஞரால் தயாரிக்கப்பட்டுள்ள சட்டமூலத்திற்கு சட்டமா அதிபரின் அங்கீகாரம் கிடைக்கப் பெற்றுள்ளது.
அதற்கமைய, சமுதாயஞ்சார் சீர்திருத்தச் (திருத்தச்) சட்டமூலத்தை அரச வர்த்தமானியில் வெளியிடுவதற்கும், பின்னர் பாராளுமன்ற அங்கீகாரத்திற்காக சமர்ப்பிப்பதற்கும் நீதி மற்றும் தேசிய ஒருமைப்பாட்டு அமைச்சர் சமர்ப்பித்துள்ள யோசனைக்கு அமைச்சரவை அங்கீகாரம் வழங்கியுள்ளது.
