பெண்கள் பிரீமியர் லீக் 2026 சீசனில் வதோதராவில் நடைபெற்று வரும் போட்டியில் ஆர்சிபி - மும்பை இந்தியன்ஸ் அணிகள் விளையாடி வருகின்றன. நாணய சுழற்சியில் வென்ற ஆர்சிபி பந்து வீச்சை தேர்வு செய்தது. 

அதன்படி மும்பை இந்தியன்ஸ் அணியின் ஹெய்லே மேத்யூஸ், சஜீவன் சஜனா ஆகியோர் ஆரம்ப துடுப்பாட்ட வீரர்களாக களம் இறங்கினர். சஜனா 7 ஓட்டங்களுடன் ஆட்டமிழந்தார். 

அடுத்து மேத்யூஸ் உடன் நாட் ஸ்கைவர் - பிரன்ட் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. மேத்யூஸ் 39 பந்தில் 56 ஓட்டங்களுடன் ஆட்டமிழந்தார். 

மறுமுனையில் விளையாடிய நாட் ஸ்கைவர் - பிரன்ட் அபாரமாக விளையாடி 57 பந்தில் சதம் விளாசினார். இதன்மூலம் பெண்களுக்கான பிரீமியர் லீக்கில் சதம் அடித்த முதல் வீராங்கனை என்ற சாதனையைப் படைத்துள்ளார். இவர் இங்கிலாந்து வீராங்கனை ஆவார். 

சதம் விளாசிய அவர் 16 பவுண்டரி, 1 சிக்சருடன் 100 ஓட்டங்களை பெற்று ஆட்டமிழக்காமல் இருந்தார். இவரது சதத்தால் மும்பை இந்தியன்ஸ் 20 ஓவரில் 4 விக்கெட் இழப்பிற்கு 199 ஓட்டங்களை குவித்துள்ளது. 

இதனையடுத்து 200 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய ஆர்சிபி அணி 20 ஓவர்கள் நிறைவில் 9 விக்கெட்டுகள் இழப்பிற்கு 184 ஓட்டங்களை மாத்திரமே பெற்றது. 

மும்பை இந்தியன்ஸ் அணி 15 ஓட்டங்கள் வித்தியாசத்தில் வெற்றி பெற்றது.