உலக கிண்ண கிரிக்கெட் போட்டியில் கடந்த 07 ஆம் திகதி நடைபெற்ற ஆட்டத்தில் இந்திய அணி அமெரிக்காவை 29 ஓட்டங்கள் வித்தியாசத்தில் தோற்கடித்தது. 

இதன் மூலம் உலக கிண்ணத்தில் இந்திய அணி தொடர்ச்சியாக 9 ஆட்டங்களில் வெற்றி பெற்று புதிய சாதனை படைத்தது. 2024 ஆம் ஆண்டு மேற்கிந்திய தீவுகள் மற்றும் அமெரிக்காவில் நடந்த 20 ஓவர் உலக கிண்ணத்தில் தொடர்ச்சியாக 8 ஆட்டங்களில் வெற்றி பெற்றது. தற்போது அமெரிக்காவை தோற்கடித்ததன் மூலம் தொடர்ச்சியாக 9 ஆவது வெற்றியை பெற்றது. 

இதற்கு முன்பு அவுஸ்திரேலியா, தென் ஆப்பிரிக்க அணிகள் தொடர்ச்சியாக 8 ஆட்டங்களில் வெற்றி பெற்று இருந்தன. இந்திய அணி அவைகளை முந்தி சாதனை புரிந்தது. 

ஆஸ்திரேலியா 2022 - 2024 ஆம் ஆண்டு உலக கிண்ண தொடரில் தொடர்ச்சியாக 8 வெற்றியையும், தென் ஆப்பிரிக்கா 2024 இல் 8 வெற்றியையும் பெற்று இருந்தன என்பது குறிப்பிடத்தக்கது.