சினிமா அப்டேட்!

சுருக்கம்

கோலிவுட் (Kollywood) என்று அழைக்கப்படும் தமிழ்த் திரைப்படத்துறை, தமிழ்நாட்டை மையமாகக் கொண்டு இயங்கும் இந்தியாவின் முக்கிய திரையுலகமாகும். 1918 இல் அமைதிப் படத்துடனும், 1931 இல் 'காளிதாஸ்' படத்துடன் பேசும் படமாகவும் தொடங்கிய இது, தற்போது தொழில்நுட்ப வளர்ச்சி, கதைக்களம் மற்றும் பன்முகத்தன்மை கொண்ட திரைப்படங்கள் மூலம் உலகளவில், குறிப்பாக இலங்கை, சிங்கப்பூர், மலேசியா போன்ற நாடுகளில் வரவேற்பைப் பெற்றுள்ளது.

LIVE NEWS

363 Updates

81 days ago

53 வயதில் பிரபல நடிகர் மரணம்!

February 20, 2026 - 04:16 PM

தி பாஸ்கெட் (The Basket) படத்தின் மூலம் ஹாலிவுட் திரையுலகில் அறிமுகமானவர் நடிகர் எரிக் டேன் (Eric Dane). X-Men The Last Stand, Grey's Anatomy, Bad Boys: Ride or Die போன்ற திரைப்படங்களில் இவர் நடித்துள்ளார்.

நடிகர் எரிக் டேன் கடந்த 2004 ஆம் ஆண்டு Rebecca Gayheart என்பவரை திருமணம் செய்துகொண்டார்.

இவர்களுக்கு Billie Beatrice Dane மற்றும் Georgia Geraldine Dane ஆகிய இரு மகள்கள் உள்ளனர்.

இந்த நிலையில், Amyotrophic lateral sclerosis (ALS) என்கிற நோயால் பாதிக்கப்பட்டு சிகிச்சை பெற்று வந்துள்ளார். ஓராண்டு இந்த நோயுடன் போராடி வந்த நடிகர் எரிக் டேன், நேற்று (19) தனது 53 வயதில் காலமானார்.

இவருடைய மரணம் ரசிகர்களுக்கு வேதனையை கொடுத்துள்ளது. நடிகர் எரிக் டேன் மரணத்திற்கு ரசிகர்கள் தங்களது இரங்கலை தெரிவித்து வருகின்றனர்.

84 days ago

இதுவரை வித் லவ் படம் செய்துள்ள வசூல்!

February 17, 2026 - 02:36 PM

கடந்த ஆண்டு வெளிவந்த பிளாக்பஸ்டர் ஆன டூரிஸ்ட் பேமிலி படத்தை இயக்கிய அபிஷன் ஜீவிந்த், வித் லவ் படத்தின் மூலம் ஹீரோவாக அறிமுகமாகியுள்ளார்.

இயக்குநராக பட்டையை கிளப்பிய இவர் தற்போது ஹீரோவாகவும் நல்ல வரவேற்பை பெற்றுள்ளார்.

இப்படத்தில் இவருக்கு ஜோடியாக மலையாள நடிகை அனஸ்வரா ராஜன் நடிக்க அறிமுக இயக்குநர் மதன் இப்படத்தை இயக்கியிருந்தார். மேலும் சௌந்தர்யா ரஜினிகாந்த் இப்படத்தை தயாரித்திருந்தார்.

காதல் கதைக்களத்தில் உருவாகி வெளியான வித் லவ் படத்திற்கு இளைஞர்கள் மத்தியில் நல்ல வரவேற்பு கிடைத்தது.

இதனால் பாக்ஸ் ஆபிஸில் பிளாக்பஸ்டர் வெற்றியை வித் லவ் திரைப்படம் சந்தித்துள்ளது. மாபெரும் வெற்றியடைந்துள்ள வித் லவ் படம் உலகளவில் இதுவரை 26 கோடி ரூபா வசூல் செய்துள்ளது என தகவல் வெளியாகியுள்ளது.

89 days ago

சம்பளத்தில் நயன்தாராவை முந்திய சாய் பல்லவி

February 12, 2026 - 04:46 PM

தமிழ் சினிமாவில் நடிகை நயன்தாரா தான் பெரிய சம்பளம் வாங்கும் நடிகையாக இருந்து வருகிறார். சோலோ ஹீரோயினாகவும் அவர் படங்களில் நடித்து வருவது குறிப்பிடத்தக்கது.

அவர் மூக்குத்தி அம்மன் 2, யாஷ் உடன் டாக்சிக் போன்ற பல படங்களில் அவர் தற்போது நடித்து வருகிறார். அவர் கடைசியாக தெலுங்கில் Mana Shankara Vara Prasad Garu படத்தில் நடித்து இருந்தார்.

அந்த படத்திற்காக சுமார் 10 கோடி ரூபாயை நயன்தாரா வாங்கியதாக செய்தி வெளியாகி இருந்தது.

இந்நிலையில் தனுஷுடன் D55 படத்தில் சாய் பல்லவி நடிக்க இருக்கிறார். அந்த படத்தில் ஸ்ரீலீலாவும் நடிக்கிறார்.

இந்த படத்திற்காக சாய் பல்லவிக்கு 12 கோடி ரூபாய் சம்பளமாக தரப்படுவதாக தகவல் கசிந்து இருக்கிறது. கடந்த படத்தில் 10 கோடி வாங்கிய நயன்தாராவை சாய் பல்லவி தற்போது முந்தி இருக்கிறார்.

81 days ago

நடிகர் மம்மூட்டியின் உடல்நலன் பாதிப்பு!

February 20, 2026 - 10:12 AM

மலையாள திரையுலகில் டாப் நடிகராக ரசிகர்களால் கொண்டாடப்பட்டு வருகிறார் மம்மூட்டி. இவர் திடீர் உடல்நலக் குறைவு காரணமாக 2025 ஆம் ஆண்டில் சினிமாவிலிருந்து சில காலம் விலகி இருந்தார்.

இந்த நிலையில்,வைத்தியசாலை ஒன்றில் நடந்த நிகழ்ச்சியில் கலந்துகொண்ட மம்மூட்டி, உடல்நலக் குறைவான அந்த சமயத்தில் தனக்கு ஏற்பட்ட பாதிப்புகள் குறித்து முதல்முறையாக பொதுவெளியில் பேசியுள்ளார்.

அவர் பேசுகையில், "கண் பார்வையும் கேட்கும் திறனும்தான் மனித வாழ்க்கையில் மிக முக்கியமானவை. எனக்கு நீண்ட காலமாக வாசனை மற்றும் சுவை அறியும் திறன் இல்லாமல் இருந்தது. எதனையும் என்னால் நுகர முடியவில்லை. அதேபோல் உணவின் சுவையும் தெரியவில்லை. இப்போதுதான் அது மெதுவாக திரும்பி வருகிறது. ஒரு விஷயத்தை நாம் இழக்கும் போதுதான் அதனுடைய மதிப்பை உணர்கிறோம்" என கூறினார்.

சுமார் ஓராண்டு காலம் சிகிச்சைக்கு பின் நடிகர் மம்மூட்டி இப்போது மீண்டும் நடிக்க தொடங்கியுள்ளார் என கூறப்படுகிறது. அவர் புற்றுநோயால் பாதிக்கப்பட்டு சிகிச்சை பெற்று வந்ததாக செய்திகள் வெளியானாலும், அது குறித்து அதிகார ... see more

85 days ago

விஜய் தேவரகொண்டா - ராஷ்மிகா திருமணம் உறுதி!

February 16, 2026 - 05:30 PM

நடிகர்கள் விஜய் தேவரகொண்டா - ராஷ்மிகா மந்தனா ‘கீதா கோவிந்தம்’ படத்திலிருந்து காதலித்து வருவதாக தகவல் வெளியானது. இதன் அடுத்தக்கட்டமாக அவர்கள் திருமணம் செய்ய போகிறார்கள் என்ற செய்தி ஓராண்டுக்கு மேலாக பரவி வருகிறது. இருப்பினும் இது குறித்து அதிகாரபூர்வமாக எந்த தகவலும் வெளியாகவில்லை. இந்த சூழலில் தான் அவர்களின் திருமண பத்திரிகை ஒன்று சமூக வலைதளங்களில் பரவி வருகிறது.

அதன்படி, வரும் பிப்ரவரி 26 ஆம் திகதி விஜய் தேவரகொண்டா - ராஷ்மிகா இடையிலான திருமணம் ராஜஸ்தான் மாநிலம் உதய்ப்பூர் அரண்மனையில் நடைபெற இருப்பதாக அந்த திருமண பத்திரிகையில் குறிப்பிடப்பட்டுள்ளது. இந்த திருமண பத்திரிகையானது, திரையுலக பிரபலங்களுக்கும், அரசியல் பிரபலங்களுக்கும் வழங்கப்பட்டுள்ளதாக கூறப்படுகிறது.

26 ஆம் திகதி ராஜஸ்தானில் நடைபெறும் விஜய் தேவரகொண்டா - ராஷ்மிகா திருமணத்தில் இரு தரப்பு குடும்ப உறுப்பினர்களும், நெருங்கி உறவினர்களும் கலந்துகொள்ள இருப்பதாக தகவல் வெளியாகியுள்ளது. இதையடுத்து வரும் மார்ச் 4 ஆம் திகதி ஹைதராபாத்தில் உள்ள தாஜ் கிருஷ்ணா ஹோட்டலில் இருவரின் திருமண ... see more

84 days ago

இளையராஜாவுக்கே தடை விதித்த நீதிமன்றம்!

February 17, 2026 - 03:16 PM

இசையமைப்பாளர் இளையராஜா தான் இசையமைத்த பாடல்களின் உரிமை தனக்கே சொந்தம் எனவும், மற்ற படங்களில் அதை பயன்படுத்தினால் அதற்க்கு தன்னிடம் அனுமதி வாங்க வேண்டும் என வழக்கு தொடர்ந்து தடை உத்தரவு வாங்கி வருகிறார்.

மஞ்சுமெல் பாய்ஸ் தொடங்கி அஜித்தின் குட் பேட் அக்லீ, Dude படம் வரை பல படங்கள் மீது இளையராஜா வழக்கு தொடர்ந்து பாடலை நீக்க வைத்தார்.

இந்நிலையில் இளையராஜா இசையமைத்த 134 படங்களின் பாடல் உரிமை தங்களிடம் இருப்பதாகவும், அதை இளையராஜா தனது பாடல்கள் என கூறி பாடல் இணையதளங்களில் பதிவேற்றம் செய்தது சட்டவிரோதம் என saregama நிறுவனம் டெல்லி நீதிமன்றத்தில் வழக்கு தொடர்ந்தது.

அதை விசாரித்த நீதிமன்றம் இளையராஜா அந்த 134 படங்களின் பாடல்களை பயன்படுத்த கூடாது, வேறு யாருக்கும் அதை பயன்படுத்த உரிமை வழங்க முடியாது என இடைக்கால தடை விதித்தது.

84 days ago

நடிகர் சல்மான் கானின் தந்தை வைத்தியசாலையில் அனுமதி

February 17, 2026 - 01:44 PM

பாலிவுட்டின் மூத்த திரைக்கதை எழுத்தாளர் சலீம் கான் மும்பையின் லீலாவதி வைத்தியசாலையில் அனுமதிக்கப்பட்டுள்ளார்.

அவர் வைத்தியசாலையில் அனுமதிக்கப்பட்டதற்கான காரணம் இன்னும் வௌியாகவில்லை என செய்திகள் தெரிவிக்கின்றன.

85 days ago

ரீ-ரிலீஸில் இத்தனை கோடி வசூலா!

February 16, 2026 - 03:17 PM

தமிழ் சினிமாவில் இப்போது முன்னணி நடிகர்களின் ஹிட் படங்கள் ரீ-ரிலீஸ் ஆகும் டிரெண்ட் இருந்து வருகிறது.

டாப் நடிகர்களின் படங்கள் டிஜிட்டலில் புதுப்பித்து மீண்டும் ரிலீஸ் ஆகி வருகிறது.

இதுவரை ரஜினியின் பாட்ஷா, பாபா, படையப்பா, கமல்ஹாசனின் நாயகன், வேட்டையாடு விளையாடு, விஜயகாந்தின் கேப்டன் பிரபாகரன், விஜய்யின் கில்லி, சச்சின், சூர்யாவின் வாரணம் ஆயிரம், அஞ்சான், தனுஷின் யாரடி நீ மோகினி, சேரனின் ஆட்டோகிராப் உள்ளிட்ட பல படங்கள் மீண்டும் திரையிடப்பட்டு வந்தன.

இப்போது 24 ஆண்டுகளுக்கு முன் நடிகர் சூர்யாவின் நடிப்பில் வெளியாகி ரசிகர்களின் மத்தியில் நல்ல வரவேற்பு பெற்ற மௌனம் பேசியதே படம் வெளியாகி இருந்தது.

2002 ஆம் ஆண்டு அமீர் இயக்க சூர்யா, த்ரிஷா, லைலா, நந்தா, நேஹா பெண்ட்ஸ் என பலரும் நடித்த இப்படத்திற்கு யுவன் ஷங்கர் ராஜா இசையமைத்திருந்தார். இப்படம் கடந்த பிப்ரவரி 13 ஆம் திகதி மீண்டும் ரீ-ரிலீஸ் ஆகியுள்ளது.

இதுவரை படம் தமிழகத்தில் மட்டுமே 40 லட்சம் ரூபா வரை வசூல் சாதனை செய்துள்ளதாம்.

85 days ago

திரிஷாவிடம் மன்னிப்பு கேட்ட பாஜக தலைவர்!

February 16, 2026 - 07:06 PM

பாரதிய ஜனதா கட்சியின் தமிழ்நாடு மாநில தலைவராக இருப்பவர் நயினார் நாகேந்திரன். முன்னணி நடிகரும், தவெக கட்சி தலைவருமான விஜய்யை நயினார் விமர்சித்து பேசும்போது "அவர் வீட்டை விட்டு வெளியே வர வேண்டும், த்ரிஷாவை விட்டுவிட்டு வர வேண்டும்" என பேசினார்.

விஜய் - த்ரிஷா இருவரையும் இணைத்து அவர் பேசியது சர்ச்சையாக வெடித்த நிலையில் பிரபலங்கள் பலரும் நயினார் நாகேந்திரனுக்கு கண்டனம் தெரிவித்தனர்.

த்ரிஷாவும் கடும் கோபமாக தனது வக்கீல் மூலமாக அறிக்கை வெளியிட்டு கண்டனம் தெரிவித்தார்.

இந்நிலையில் பாஜக தலைவர் நயினார் நாகேந்திரன் மன்னிப்பு கேட்டிருக்கிறார். வாய் தவறி அப்படி பேசிவிட்டதாக குறிப்பிட்டு அவர் வருத்தம் தெரிவித்துள்ளார். பாஜக தேசிய தலைமை மற்றும் அண்ணாமலை ஆகியோர் இது பற்றி தன்னிடம் பேசியதாக குறிப்பிட்ட அவர்..

"நான் தனிநபர் விமர்சனம் செய்தது இல்லை. அன்றைக்கு அது தவறி வந்த ஒரு வார்த்தை. என்னுடைய வருத்தத்தை நான் மனப்பூர்வமாக தெரிவித்துக்கொள்கிறேன்" என கூறி இருக்கிறார்.

84 days ago

16 ஆண்டுகளுக்கு பிறகு மீண்டும் நடிக்க வரும் ரம்பா!

February 17, 2026 - 10:18 AM

90 கிட்ஸ்களின் விருப்பமான நடிகைகளில் முக்கியமானவர் ரம்பா. 'உள்ளத்தை அள்ளித்தா' படத்தில் 'அழகிய லைலா...' பாடலில் ரம்பாவின் ஆட்டத்தை யாருமே மறக்க முடியாது. அனைத்து முன்னணி நடிகர்களுடனும் ஜோடி சேர்ந்து நடித்துள்ள ரம்பாவுக்கு ரசிகர்கள் ஏராளம்.

ரம்பா, 2010 ஆம் ஆண்டு தொழில் அதிபர் இந்திரகுமாரை திருமணம் செய்தார். இவர்களுக்கு 2 மகள்கள், ஒரு மகன் உள்ளனர். ரம்பா, தற்போது கனடாவில் குடும்பத்துடன் வசித்து வருகிறார். சுமார் 16 ஆண்டுகளாக சினிமாவில் இருந்து விலகி இருந்த ரம்பா, அவ்வப்போது சின்னத்திரையில் மட்டும் தலைகாட்டி வந்தார். தற்போது விரைவில் வெள்ளித்திரைக்கும் ரீ-என்ட்ரி கொடுக்கிறார்.

இதற்காக உடற்பயிற்சி மற்றும் உணவு கட்டுப்பாட்டை கடைப்பிடித்து 'ஸ்லிம்' ஆகியுள்ளார். புதிய கதைகள் கேட்டு வரும் ரம்பா ஓரிரு கதைகளை தேர்வு செய்துள்ளதாக தெரிவிக்கப்படுகிறது.

தமிழில் 2010 ஆம் ஆண்டு வெளியான 'பெண் சிங்கம்' படத்தில் ரம்பா கடைசியாக நடித்திருந்தார். இதன்மூலம் கிட்டத்தட்ட 16 ஆண்டுகளுக்கு பிறகு சினிமாவில் மறுபிரவேசம் எடுக்கவுள்ளார் 49 வயதாகும் ... see more